सवारी दुर्घटनामा ४ जनाको मृत्यु

८ बैशाख २०७८, बुधबार ०४:१४ मा प्रकाशित

झापा, तनहुँ, दाङ, रुपन्देहीमा भएको सवारी दुर्घटनामा ४ जनाको मृत्यु भएको छ।

झापाको मेचीनगर नगरपालिका १३ चार आली चोकमा मंगलबार बेलुकी ट्रकको ठक्करबाट मोटरसाइकल चालक मोरङको पथरी शनिश्चरे नगरपालिका ९ का २१ वर्षीय प्रवेश बयलकोटीको मृत्यु भएको छ। को २८ प ८८ ९१ नम्बरको मोटरसाइकललाई मे १ ख ८११ नम्बरको ट्रकले ठक्कर दिएको थियो।

यस्तै तनहुँको म्याग्दे गाउँपालिका १ तल्लो गुणादी भोर्लो पानीमा मंगलबार बेलुकी मोटरसाइकलको ठक्करबाट पैदल यात्रीको मृत्यु भएको छ। ग १७ प ८७४ नम्बरको मोटरसाइकलले पैदल हिँडिरहेकी म्याग्दे गाउँपालिका १ कै ७० वर्षीया राधिका लम्साललाई ठक्कर दिँदा मृत्यु भएको प्रहरीले जनाएको छ।

दाङको बबई गाउँपालिका ४ मा माइक्रोको ठक्करबाट मोटरसाइकलमा सवार १ बालकको मृत्यु भएको छ। दुई जना भने घाइते भएका छन्। मृत्यु हुनेमा दाङकै तुल्सीपुर उपमहानगरपालिका ६ मोतिपुरका सुदिप आचार्यका सात वर्षीय छोरा स्पर्श रहेका छन्। दुर्घटनामा घाइते भएका मोटरसाइकल चालक सुदिप आचार्यसहित दुई जनाको सोही अस्पतालमा उपचार भइरहेको छ।

रुपन्देहीको देवदह नगरपालिका १२ सुक्रौलीमा पनि ट्याक्टर र मोटरसाइकल आपसमा ठोकिँदा भएको दुर्घटनामा मोटरसाइकल चालकको मृत्यु भएको छ। दुई जना घाइते भएका छन्। मृत्यु हुनेमा रुपन्देहीकै ओमसतीया गाउँपालिका ५ का २२ वर्षीय गौतम चौधरी रहेका छन्।

भैरहवा स्थित भिम अस्पतालमा उपचारको क्रममा चौधरीको मृत्यु भएको हो अरु घाइतेको पनि सोही अस्पतालमा उपचार भइरहेको छ।

प्रतिक्रिया दिनुहोस !

लोकप्रियसबै

थप १,५६२ जनामा कोरोना संक्रमण

२९ भाद्र २०७८, मंगलवार १७:१८

९९४ जनामा कोरोना संक्रमण पुष्टि

२६ भाद्र २०७८, शनिबार १७:५६

सुदूरपश्चिममा भूकम्पको धक्का

२६ भाद्र २०७८, शनिबार ११:१०

भर्खरैसबै

थप १,५६२ जनामा कोरोना संक्रमण

२९ भाद्र २०७८, मंगलवार १७:१८

९९४ जनामा कोरोना संक्रमण पुष्टि

२६ भाद्र २०७८, शनिबार १७:५६

सुदूरपश्चिममा भूकम्पको धक्का

२६ भाद्र २०७८, शनिबार ११:१०