लमजुङको भुलभुले केन्द्रविन्दु भएर ५.८ रेक्टरकाे भूकम्प

५ जेष्ठ २०७८, बुधबार ०६:०७ मा प्रकाशित

लमजुङको उत्तरी क्षेत्र खुदी भुलभुले केन्द्रविन्दु भएर भूकम्प गएको छ । राष्ट्रिय भूकम्प मापन तथा अनुसन्धान केन्द्रका अनुसार आज बिहान ५:४२ बजे लमजुङको भुलभुले आसपास केन्द्रविन्दु भएर भूकम्प गएको हो । भूकम्प ५.८ रिक्टर स्केलको भएको केन्द्रका भूकम्पविद् डा. लोकविजय अधिकारीले जानकारी दिए ।

भूकम्पको धक्का लमजुङ, गोरखा, तनहुँ, कास्की, मनाङ, चितवन, धादिङ र काठमाडौँ उपत्यकामा समेत महसुस गरिएको थियो ।

भूकम्पले बेसिशहर नगरपालिका-६ चनौटेमा घर भत्किदा उमा गुरुङ घाइते भएकी छन् । उनलाई उपचारको लागि जिल्ला अस्पताल लगिएको छ ।

कोरोनाको डरमा बसेका मानिस भूकम्प गएपछि भुलभुले आसपास क्षेत्रका सर्वसाधारण थप त्रसित बनेका छन् ।

प्रतिक्रिया दिनुहोस !