मतदातालाई प्रत्यक्ष प्रभाव पार्ने बजेट नल्याउ: पूर्व प्रमुख निर्वाचन आयुक्त

१३ जेष्ठ २०७८, बिहीबार ११:१४ मा प्रकाशित

काठमाडौं । पूर्व प्रमुख निर्वाचन आयुक्तहरुले मतदातालाई प्रभाव पार्ने खालको कुनै नीति तथा कार्यक्रम, बजेट विनियोजन नगर्न सरकारको ध्यानाकर्षण गराएको छ ।

बिहीबार पूर्व निर्वाचन आयुक्तहरूले संयुक्त विज्ञेप्ति जारी गर्दै आगामी कार्तिक–मंसिरमा प्रस्तावित निर्वाचन गराउने भूमिकामा रहेको काम चलाउ सरकारले बजेटमा मतदातालाई प्रत्यक्ष प्रभाव पार्न सक्ने कार्यक्रम समावेश नगर्न आग्रह गरेको हो ।

‘कामचलाउ सरकारले आगामी आर्थिक वर्षको बजेट ल्याउँदा स्वच्छ, स्वतन्त्र एवं निष्पक्ष निर्वाचनको लागि समान प्रतिस्पर्धाको सिद्धान्तभित्र रही मतदाताहरुलाई कुनै एक पक्षमा लाग्न प्रभाव पार्ने गरी लक्षित कुनै किसिमका नयाँ नीति कार्यक्रम वा बजेट विनियोजन नगर्न सरकारको ध्यानाकर्षण गर्दछौं ।’ विज्ञप्तिमा उल्लेख छ, ‘यस विषयमा आफ्नो संवैधानिक दायित्वको ख्याल गरी निर्वाचन आयोगले सम्बद्ध पक्षलाई समयमा नै सजग गराउनेछ भन्ने हामीले विश्वास लिएका छौं ।’

आयोगका पूर्व प्रमुखहरु सूर्यप्रसाद श्रेष्ठ, भोजराज पोखरेल, नीलकण्ठ उप्रेती, डा. अयोधिप्रसाद यादव र कार्यबाहक प्रमुख निर्वाचन आयुक्त दोलखबहादुर गुरूङले विज्ञप्ति जारी गर्दै यस्तो आग्रह गरेका हुन् । उनीहरुले यस अघि पुस पाँचको प्रतिनिधि सभा विघटन गरेकामा पनि आपत्ति जानाएका थिए ।

प्रतिक्रिया दिनुहोस !

लोकप्रियसबै

थप १,५६२ जनामा कोरोना संक्रमण

२९ भाद्र २०७८, मंगलवार १७:१८

९९४ जनामा कोरोना संक्रमण पुष्टि

२६ भाद्र २०७८, शनिबार १७:५६

सुदूरपश्चिममा भूकम्पको धक्का

२६ भाद्र २०७८, शनिबार ११:१०

भर्खरैसबै

थप १,५६२ जनामा कोरोना संक्रमण

२९ भाद्र २०७८, मंगलवार १७:१८

९९४ जनामा कोरोना संक्रमण पुष्टि

२६ भाद्र २०७८, शनिबार १७:५६

सुदूरपश्चिममा भूकम्पको धक्का

२६ भाद्र २०७८, शनिबार ११:१०