वैद्यको अभिव्यक्ति आपाराधिक र निन्दनीय : नेकपा एमाले

२९ जेष्ठ २०७८, शनिबार १०:३५ मा प्रकाशित

काठमाडौं । नेकपा एमालेले वाग्मती प्रदेश सभा सांसद नरोत्तम वैद्यको अभिव्यक्तिलाई गम्भिररुपमा लिएको बताएको छ ।

शनिबार पार्टी प्रवक्ता प्रदीप ज्ञवालीले विज्ञप्ति जारी गर्दै प्रधानमन्त्री केपी शर्मा ओलीको हत्या गर्ने दिएको अभिव्यक्ति आपाराधिक र निन्दनीय भएको भन्दै भत्सर्ना गरेको छ । ‘प्रधानमन्त्रीको हत्याका लागि अरुलाई समेत दुरुत्साहन गर्ने र आवश्यक परे आफै पनि हत्याका लागि तयार रहेको निजको अभिव्यक्ति आपराधिक, अत्यन्त आपत्तिजनक र निन्दनीय छ’, जारी विज्ञप्तिमा भनिएको छ ।’

एमालेले उक्त अभिव्यक्तिको घोर भत्सर्ना गर्दै, उसले यो विषय मुलुकको फौजदारी कानून समेत आकर्षित हुने विषय भएको ठहर गरेको छ । उक्त अभिव्यक्तिलाई लिएर एमालेले नेपाली कांग्रेसको समेत गम्भीर ध्यानाकर्षण गराएको छ ।

प्रतिक्रिया दिनुहोस !